Croeso i AlphaPlus

Busnes gwasanaeth addysg yw AlphaPlus sy’n arbenigo ym meysydd safonau, asesu ac ardystio. Rydym yn helpu ein cleientiaid i ddylunio, datblygu, defnyddio a gwerthuso cymwysterau a’r asesiadau sy’n sail iddynt. Rydym yn gweithio ar draws y sectorau cyhoeddus a phreifat, mewn ysgolion a cholegau, gydag addysg alwedigaethol a phroffesiynol. Mae tua hanner ein gwaith yn dod o dramor.

Mae AlphaPlus yn helpu sefydliadau i wella eu hasesiadau addysgol. Mae llawer o sefydliadau yn defnyddio asesiadau – arholiadau academaidd, asesu sgiliau drwy bortffolio, asesu drwy arsylwi ar bobl broffesiynol yn y gweithle. Ym mhob un o’r achosion hyn, asesiadau da sy’n sicrhau’r canlyniad haeddiannol: y bobl gywir sy’n llwyddo neu’n methu; dyfarnu graddau teg; canlyniadau cywir a dibynadwy y mae modd eu cyfiawnhau, ac sy’n adlewyrchu nodweddion a gwerthoedd y rhanddeiliaid.

Fel ei gilydd, mae llywodraethau, rheoleiddwyr, cyrff ardystio a chyhoeddwyr oll yn ymddiried yn AlphaPlus i ddatblygu gwasanaethau addysg ac asesu sy’n helpu gwella cyfleoedd bywyd dysgwyr. Mae ein gwaith wedi’i lywio gan y dystiolaeth ac mae’n canolbwyntio ar drawsnewid – drwy dechnoleg, cwricwla blaenllaw, a dulliau sy’n gweithio i addysgwyr a’r dysgwyr y maent yn gweithio ar eu cyfer. Rydym yn angerddol o blaid gwireddu ‘cyfleoedd i bawb’.